Menu

logo new 2015-5-11

ක්‍රිස් ගේල් බය වූ එකම ශ්‍රී ලංකිකයා ගැන සංගා කියයි

ක්‍රිස් ගේල් බය වූ එකම ශ්‍රී ලංකිකයා ගැන සංගා කියයි

වසර 16 ක පමණ කාලයක් අන්තර්ජාතික කි‍්‍රකට් කී‍්‍රඩාවේ නිරත වෙමින් ලෝකයේ අස්සක් මුල්ලක් නෑර සංචාරය කළ නමුත් චමින්ද වාස් තරම් කැපවීමෙන් පුහුණුවීම් කළ වේග පන්දු යවන්නකු තමන් කිසිදා දැක නැති බව ශ්‍රී ලංකා කණ්ඩායමේ හිටපු නායක කුමාර් සංගක්කාර පැවසීය.

එසේම වාස් වැනි කී‍්‍රඩකයකු ශී‍්‍ර ලාංකිකයකු වූයේ ශී‍්‍ර ලංකාවේ වාසනාවට බව ඔහු මෙහිදි සඳහන් කළේය.

‘පී‍්‍රමා කුසලාන’ වයස 15 න් පහළ අන්තර් පළාත් කි‍්‍රකට් තරගාවලියේ අවසන් මහ තරගයට සුදුසුකම් ලබා සිටින බස්නාහිර පළාත් දකුණ (පිටත) සහ බස්නාහිර පළාත් මධ්‍යම කණ්ඩායම්වල කී‍්‍රඩකයන්ගේ පුහුණු සැසියකට එක්ව, කැපවීමෙන් පුහුණුවීම් කිරීමේ වටිනාකම කී‍්‍රඩකයන්ට පැහැදිළි කරමින් සංගක්කාර මේ බව පැවසීය.

”එතරම් දෝලනයක් හෝ ඉපිලීමක් නැති ශ්‍රී ලංකාවේ තණතීරු මතදී පවා කඩුල්ලේ මැද ඉන්න එල්ලයේ පන්දු යැවීමටත් කඩුල්ලෙන් දෙපසටම පන්දුව දෝලනය කිරීමටත් හැකිවූයේ ඔහු පුහුණුවීම් වලදී දැක්වූ කැපවීම නිසා බවත් සංගක්කාර මෙහිදි ක්‍රීඩකයන් වෙත පැහැදිලි කරමීන් පෙන්වා දුන්නේය.

"වාස් අදත් ගහනවාද, එහෙනම් ඉතින් මම අදත් අවුට් තමයි"

”වතාවක් හරි අපූරු වැඩක් වුණා,වසර 2000 දී කොදෙව් පිලේ ශී‍්‍ර ලංකා සංචාරයේදී කි‍්‍රස් ගේල් පස් වතාවක්ම වාස් හමුවේ දැවී ගියා. තුන්වැනි ටෙස්ට් තරගයට ඉස්සරවෙලා (එස්. එස්. සී. පිටියේදී) උදේ කි‍්‍රස් ගේල් ඇවිත් මගෙන් ඇහැව්වා වාස් අදත් ගහනවාද කියලා…මම ඔව් කිව්වා එහෙනම් ඉතින් මම අදත් අවුට් තමයි’ කියලා ගේල් කලින්ම කිව්වා”

”කඩුලූ රකිමින් හිටියේ මම. දැවී ගියාට පස්සේ එයා මං දිහා බලලා උරහිස් සොලවලා ආපසු කී‍්‍රඩාගාරයට ගියා” යයි කී සංගක්කාර වැඩිදුරටත් කීවේ චමින්ද වාස් ශී‍්‍ර ලාංකිකයකු වූයේ ශී‍්‍ර ලාංකිකයන්ගේම වාසනාවට බවයි.

එසේම කි‍්‍රස් ගේල් එම තරගයේ දෙවැනි ඉනිමේදීත් චමින්ද වාස් හමුවේ ලකුණු නොලබා දැවී බවද සංගකාර් වැඩි දුරත් ක්‍රීඩකයන් ඉදිරියේ පෙන්වා දුන්නේය.

වසර 2001 දී පැවැති එම තරගාවලියේදී චමින්ද වාස් හමුවේ පස් වතාවක් දැවී ගිය කි‍්‍රස් ගේල්ට ඉනිම 6 කදීම ලබාගත හැකිවූයේ ලකුණු 54 ක් පමණක් බවත් සංගා වැඩිදුරටත් පැවසීය.

මිරර්

Leave a comment

Make sure you enter the (*) required information where indicated. HTML code is not allowed.

back to top
Info for bonus Review bet365 here.