Menu

logo new 2015-5-11

සාෆ් නවතා දැමීමට පාර කැපූ කාශ්මීර ප්‍රහාරය

සාෆ් නවතා දැමීමට පාර කැපූ කාශ්මීර ප්‍රහාරය

කාශ්මීරයේ බල අරගලයකට මුහුණ දී සිටින කලාපයේ පාකිස්තාන පාලනය යටතේ පවතින ප්‍රදේශයක ප්‍රහාරක මෙහෙයුමක් ගෙන ගිය බව ඉන්දියානු හමුදා පවසති.


මෙම මෙහෙයුම් දියත් කරනු ලැබුවේ එල්ල විය හැකි ප්‍රහාර කල් තබා වැළක්වීමේ පියවරක් ලෙසින් බවයි ඉන්දියානු හමුදා පවසන්නේ.
කෙසේ වෙතත් පාකිස්තාන හමුදා ඉන්දීය රජය විසින් ඉදිරිපත් කරනු ලබන මෙම හේතු ප්‍රතික්ෂේප කරමින් කියා සිටියේ මෙය ඔවුන් විසින් ප්‍රහාර එල්ල කිරීමේ පරමාර්ථයෙන් නිර්මාණය කර ගන්නා ලද හේතුවක් බවයි.
පාකිස්තාන හමුදා පවසන්නේ මත භේදයට තුඩු දී ඇති කාශ්මීර බෙදුම් රේඛාව ආසන්නයේ ඉන්දීය හමුදා සමග සිදු වූ වෙඩි හුවමාරුවකින් පාකිස්තාන සොල්දාදුවන් දෙදෙනෙකු මිය ගොස් ඇති බවයි.
ඉන්දීය ප්‍රහාරය හෙලා දකිමින් පාකිස්තාන අගමැති නවාස් ෂරීෆ් කියා සිටියේ මෙය කිසිදු උසිගැන්වීමකින් තොරව එල්ල කරන ලද ප්‍රහාරයක් බවයි.
මේ මස මුල් භාගයේ ඉන්දීය හමුදා කඳවුරකට කැරලිකරුවන් විසින් එල්ල කරන ලද ප්‍රහාරයකින් ඉන්දියානු සොල්දාදුවන් දහ අට දෙනෙකු මිය යාමෙන් පසු කාශ්මීර කලාපයේ පවතින්නේ ඉතා උණුසුම්කාරී වාතාවරණයකි.
මේ අතර පකිස්තානයේ පැවැත්වීමට නියමිත දකුණු ආසියානු කලාපීය සහයෝගිතා සමුළුවට සහභාගී නොවන බව බංග්ලාදේශය විසින් නිවේදනය කරනු ලැබ ඇත.
දකුණු ආසියානු සහයෝගිතා සමුළුව (සාර්ක්) ලබන නොවැම්බර් මාසයේ ඉස්ලාමාබාද් නගරයේ පැවැත්වීමටයි කටයුතු සම්පාදනය වෙමින් තිබුණේ.
ඉන්දියාව එම සමුළුවට සහභාගී නොවන බව දැනටමත් ප්‍රකාශයට පත් කර ඇති අතර එම ක්‍රියාමාර්ගයට ප්‍රවේශ වූ ඊ ළඟ රට වන්නේ බංග්ලාදේශයයි.
ඉන්දියාව සිය තීන්දුව ප්‍රකාශයට පත් කරමින් කියා සිටියේ 'කලාපීය සහයෝගීතාවයට සහ ත්‍රස්තවාදයට එකට ගමන් කළ නොහැකි' බවයි.
ඇෆ්ඝනිස්තානය සහ භූතානයත් පාකිස්තානයේ පැවැත්වීමට නියමිත දකුණු ආසියානු සහයෝගීතා සමුළුවට සහභාගී නොවන තත්වයක් පවතින බවයි මාධ්‍ය වාර්තා මගින් පැවසෙන්නේ.
එම තත්වය තුල සමුළුව නියත ලෙසම කල් තැබෙන තත්ත්වයකුයි උද්ගතව පවතින්නේ.
ඉන්දියානු පරිපාලනය සහිත කාශ්මීරයේ යුද කඳවුරකට පසුගිය දා එල්ල කෙරුණ සන්නද්ධ ප්‍රහාරයෙන් පසුව පාකිස්තානය රාජ්‍යතාන්ත්‍රික වශයෙන් හුදෙකලා කරනු ලැබීමට දිල්ලි බලධාරීන් විසින් ගනු ලබන උත්සාහයේ අළුත්ම නිදසුන හැටියට ඉන්දියාව සමුළුව වර්ජනය කිරීම පෙන්නුම් කළ හැකි බව විශ්ලේෂකයෝ පෙන්වා දෙති.
සිය කාශ්මීර යුද කඳවුරට එල්ල කෙරුණ ප්‍රහාරය සම්බන්ධයෙන් ඉන්දියාව පාකිස්තානයට ඇඟිල්ල දිගු කරන නමුත් ඉස්ලාමාබාද් බලධාරීන් විසින් එම චෝදනා බැහැර කරනු ලැබ ඇත.


බිබිසී

 

Leave a comment

Make sure you enter the (*) required information where indicated. HTML code is not allowed.

back to top
Info for bonus Review bet365 here.